你地睇到个TOPIC, 系咪觉得好奇怪? 有睇开我既报告都知道我自己已经差唔多试过晒TARALABS的顶级线材, 点解依对THE MASTER LE会令我有种要重新认识的感觉呢?!

TARALABS这美国线材公司, 一向声道取向都偏向音效, 简直就系与空气感及动态强劲划上等号. 自从EVO系列出现,  现今的TARALABS, 除左上述两点, 新系列的音乐感, 全频连贯性都提升到另一层次. 所以上一篇TARALABS GME系列, 我先会用到"超极限之诞生"来型容.

事隔三年多, TARALABS 创造了亚洲区特别版 THE MASTER LE系列, 如以价钱来说, 佢应该系TARALABS既三佬. 即系GME -> OMEGA EVO -> THE MASTER LE，按此。。令我这TARALABS FANS极度期待.

有关THE MASTER LE既技术资料, 我唔再详述了. 反而我好想分享这对实价超过十三万既喇叭线, 可以比到羊听感比我.

包装与线身:

包装就无羊特别啦, 都系使用TARALABS个大圆袋, 插头都系一贯我最爱TARALABS的[可换换式插头], 蕉/叉任你换到够.

不过有样野就不得不提, 就系今次THE MASTER LE既线身比GME或OMEGA EVO略幼身, 柔软度更高. 这对用家来说, 柔软线身的确方便换线呢. 

测试使用器材:

黑胶盘: NOTTINGHAM ANNA LOG

唱头: Shelter Accord with Shelter 411TYPE II升压牛

唱放: LOUNGE LCR MKIII

前级: ARC REF5SE

后级: BRYSTON 7B SSTC

喇叭: MAGNEPAN 3.7

听感:

可能我太耐无听测试TARALABS既喇叭线, 这次THE MASTER LE给我的印象竟然系..... 

TARALABS全新听感：

超强微动态, 听小提琴与人声尤其明显.

中频厚度, TARALABS一向给人的印像是高低延申极之出色, 不过中频就略嫌乾燥. 不过这只不过是十年前THE ONE年代的TARALABS.

喺四年前, 我记得GME在中频水份与厚度都提升左好多, 而今次依对THE MASTER LE贯彻了EVO的特性, 中频厚暖耐听, 绝对唔会有[乾]的听感比你.

以我记忆, 连贯性跟GME追得极贴, 使用这THE MASTER LE 喇叭线后, 你会听到唔捨得熄机, 两个字- 耐听.

背境超静,  以我听过咁多顶级喇叭线来说, 这明显已经到达最顶级质素, 跟本与GME可以睇齐. 

TARALABS签名式音效

音场的阔度已经系TARALABS既签名音效, 但这对THE MASTER LE在深度方面, 我觉得佢做得好好. 这可能佢用左新技术, 使得背境宁静度提升有关. 

喺音场深度阔度方面, 我觉得佢又系进追得好贴GME.

TARALABS另一招牌音效-空气感, 依然强横. 音场依旧可以包到我既皇帝位后面.

动态, 我谂你地用得TARALABS, 都唔会对TARALABS既动态有所怀疑挂. 不过今次这对THE MASTER LE由于在微动态的表现实在出色, 这连带了听大棚古典乐曲时, 瞬变既速度令我听得好过引. 

总结: 

$138,000一对喇叭线, 好贵吗? 系, 真系好贵, 但如果我话比你知, 佢既音效可以直迫GME呢?  你又点睇? 最衰我无得在场AB比较, 不过以我既记忆, 这对THE MASTER LE在音效与音乐感都已经相当贴近GME级数, 如果硬要我用数字来评论这THE MASTER LE, 我会以GME既八成功力. 

咪住, 前文你成日都话THE MASTER LE追得好贴GME, 咁THE MASTER LE输果20%输喺边PART先?!

我可以好清晰话比你知, 相差果20%就在全频的稳定度与大动态瞬变的能量感. 其他的音效元素, 与GME机乎一模一样.

Taralabs 超时空代理: 乐燊贸易有限公司